• Басты
  • ҚР ҚК оқу дабылы кезінде 3 мыңнан астам қару-жарақтар мен әскери техника жұмылдырылды (ФОТО)
9 Шілде, 2015 08:51

ҚР ҚК оқу дабылы кезінде 3 мыңнан астам қару-жарақтар мен әскери техника жұмылдырылды (ФОТО)

Қорғаныс министрі Иманғали Тасмағамбетовтың кенеттен тексеру шарасы кезінде әскери басқару органдары мен Қазақстанның Қарулы Күштерінің әскерлері жоғары дәрежедегі әскери дайындыққа келтірілді.
ҚР ҚК оқу дабылы кезінде 3 мыңнан астам қару-жарақтар мен әскери техника жұмылдырылды (ФОТО)

Оқу-жақттығу дабылының белгісі бойынша, Қорғаныс министрлігі орталық аппаратының құрылымдық бөлімшелерінің барлық жеке құрамы, өңірлік қолбасшылықтар мен елдің барлық Қарулы күш түрлері  табандарынан тік тұрғызылды.  

Қарулы Күштер топтарының жалпы жетекшілігін ҚР Қарулы Күштерінің Бас штабының бастығы генерал-полковник Сәкен Жасұзақов Орталық стратегиялық басқармасынан жүргізді. Бас штабтың бұйрығымен Құрғақтағы әскерлердің топтары оқу орталықтары мен полигондарда оқу-әскери міндеттерді орындауға кірісті. Бұл шара 3 мыңнан астам қару-жарақтар мен әскери техника жұмылдырылды.  

Әуе қорғанысы құрамынан әуеге әскери кезекшілікті атқарып жатқан күштер мен құрылымдар көтеріліп, түрлі авиациялық техникалар іске қосылды, қосымша аэродромдар пайдалану үшін дайындыққа келтірілді. Кемеге қарсы, әуеден келетін қауіпке қарсы, суастықатерлерге қарсы диверсиялық қорғаныс тапсырмаларын орындау мақсатында теңізге Әскери-теңіз күштерінің кемелері шығарылды.  

Аталған жаттығулардың басты мақсаты әскери тапсырмаларды орындау кезінде барлық басқару органдары мен жеке құрамның бірлескен түрдегі қимылдарын жаттықтыру болып табылады.

 

 

 

Барлық жаңалықтар