Каирде Қазақстан Президентінің институционалды реформалары талқыланды
8 Шілде, 2015 17:09
Каирде ҚР елшілігінің қызметкерлері Қазақстандық-египетттік достастық қауымдастығы өкілдерімен кездесті, деп хабарлайды Сыртқы істер министрлігінің баспасөз қызметі.
Қауымдастық құрамына Египеттің губернаторлық корпусы мүшелерінің танымал қоғамдық-саяси қайраткерлері, бұрынғы министрлер мен елшілер, сарапшылар мен ғылыми орта өкілдері, бизнес қоғамдастықтары мен жетекші ақпарат құралдарының өкілдері бар.
Кездесудің тақырыбы Қазақстан Республикасының Президенті жариялаған 5 институционалды реформаны жүзеге асыруға бағытталған «100 нақты қадам» Ұлт жоспарына арналды.
5 институционалды реформаның әрбір қадамы туралы жан-жақты хабардар етілген соң жиынға қатысушылар аталған реформалар жүзеге асырылған жағдайда Қазақстанның қазіргі жағдайдағы ішкі және сыртқы қауіп-қатерлерге жауап беріп, бәсекеге қабілетті 30 елдің қатарына кіру жөніндегі стратегиялық мақсатқа қол жеткізілетіндігін бірауыздан айтты.
