Ливанда әлемдік энергетиканы дамыту мәселесі талқыланды

8 Шілде, 2015 16:36

Ливан Республкиасындағы ҚР дипломатиялық миссия істерінің сенімді өкілі Дәулет Ембердиев Ливанның энергетика және су ресурстары министрі Артур Назарянмен кездесіп, оны 2015 жылдың 29 қыркүйегі -1 қазаны аралығында Астанада өтетін «Жаңа энергетика көкжиектері: ынтымақтастық және инвестициялар келешегі» тақырыбындағы Х KAZENERGY Еуразиялық Форумына қатысуға шақырды, деп хабарлады ҚР СІМ баспасөз қызметінен.

Д. Ембердиев сұхбаттасына алдағы форумның геосаяси өзара қарым-қатынастардың призмасы арқылы әлемдік энергетиканы дамыту болжамына, ресурстық базаны кеңейту мәселесіне, энергоресурстарды жеткізу маршрутын әртараптандыруға, сондай-ақ сұраныс пен ұсыныстың өзгермелі тұсында Қазақстанның бәсекеге қабілетті болу мәселелеріне арналатынын айтты. Ол мұнай, газ және көмір салаларының қарқынды дамуымен қатар Қазақстанның энергияның баламалы көздерін әзірлеу мен пайдалануға назар аударып жатқанын да атап өтті. Бұл ретте Астанада өтетін ЭКСПО-2017 көрмесі «Болашақтың энергиясы» тақырыбына арналатынын айта кеткен жөн.

А.Назарян еске салғандай, Қазақстан - жаңа серпінмен дамып келе жатқан, көрші елдермен достық қарым қатынастағы, Екразияның геосаяси картасында елеулі ықпалға ие мемлекет.

Ливан министрі «Қазақстан Республикасының зор болашағына» сенімін білдірді.

Барлық жаңалықтар