Д.Туғанов: ҚР IT корпоративті басқару үлгісі әлемдік стандарттар негізінде қалыптастырылуда

8 Шілде, 2015 13:35

Қазақстанда IT корпоративті басқару үлгісі әлемдік стандарттар негізінде қалыптастырылуда, деді «Самұрық-Қазына» акционерлік қоғамының трансформациялау жөніндегі орталығы IT-блогінің жетекшісі Давид Туғанов Астанада өтіп жатқан бірінші IT форум барысында.

«Форумның мақсаты - ақпараттық технология желісі бойынша транформациялау бағдарламасындағы өзіміздің философиямызды ресми түрде мәлімдеу болатын. Қазір бұл мәселеге байланысты түсініксіздеу дүниелер көп, көптеген азаматтар ақпараттандырудың түпкі мақсаты автоматтандыру деп ойлайды. Біз бұл пікір дұрыс емес дегіміз келеді. Бірінші адамдар, үдерістер мен технологиялар. Бүгін біз басты деген IT-мамандарының басын қосып отырмыз, біз осы мәселеде орын алып отырған проблемалар туралы айтпақпыз»,-деді Д.Туғанов.

Оның сөзінше, Қазақстанда IT корпоративті басқару үлгісі әлемдік стандарттар негізінде қалыптастырылуда.

«IT корпоративті басқару батыс компанияларындағыдай қалыптасуда, кәсіпорынның архитектурасы да солай қалыптасып отыр. Біз автоматтандырудан қалыпты архитектуралық көзқарасқа көушудеміз. Біздің компаниямызда IT бас редакторлары пайда бола бастады, трансформациялау бағдарламасы аясында IT арихитекторлары пайда болуда. Бұл тарихта бұрын болмаған мамандық иелері»,-деді ол.

Форум жұмысына IT технологиялары саласындағы 200-ден астам мамандар қатысуда. Іс-шара ақпараттық технологияларды енгізу саласындағы ең үздік тәжірибелер бойынша тәжірибе алмасу бойынша кәсіби IT алаңын қалыптастыруға бағытталған.

Анар Тәңірқұлова

Барлық жаңалықтар