Еуразиялық топ Ақтөбе облысындағы үйдің құрылысына 2,7 миллиард теңге инвестиция салады

8 Шілде, 2015 15:34

Ақтөбе облысының әкімі Архимед Мұхамбетов пен Еуразиялық топ директорлар кеңесінің төрағасы (Eurasian Resources Group S.a.r.l. - ERG) Александр Машкевич Еуразиялық топ кәсіпорны қызметкерлеріне арналған тұрғын үй бағдарламасын жүзеге асырудағы ынтымақтастық туралы меморандумға қол қойды, деп хабарлады облыстың ішкі саясат басқармасы.

ERG 2020 жылға дейін өңірлерді дамыту бағдарламасын жүзеге асыру аясында Топтың қазақстандық кәсіпорын қызметкерлері үшін 2015-2017 23,5 мыңнан астам шаршы метр тұрғын үй салатындықтары жайлы мәлімдеді. Бұл шамамен 5 үй. Баспана Ақтөбе және Хромтау қалаларында салынады.

Мұнда Ақтөбе ферроқорытпа зауыты мен Дон тау-кен байыту комбинаты орналасқан. Осылайша, Ақтөбе облысында алдағы 3 жылда 390 жанұя баспаналы болмақ. Аренда мерзімі - 20 жыл. Ең төменгі пайыздық мөлшерлеме. Инвестицияның жалпы көлемі шамамен 2,7 миллиард теңгені құрайды.

«Нұрлы жол» бағдарламасының арқасында аймақтардағы ERG өндірістік кәсіпорындарының қызметкерлері үшін тиімді тұрғын үй бағдарламасын жүзеге асыра алатын болдық. Пәтерлер бағдарлама аясында 35 жасқа дейінгі жас қызметкерлерге беріледі. Олар 62 мыңдық ұжымның үштен бір бөлігін құрайды. Сонымен қатар бұл баспаналарға сұранысқа ие маман иелері үміт арта алады», - деп атап өтті меморандумға қол қойған Александр Машкевич.

Барлық жаңалықтар