Н. Моди: Үндістанның ШЫҰ-ға мүше болуы Қазақстанмен қарым-қатынасты нығайтуға мүмкіндік береді
Еске салсақ, Уфадағы ШЫҰ мен БРИКС саммиті барысында Үндістан мен Пәкістанның «Шанхай отбасына» толық құқықты мүше ретінде кіру үрдісі басталады.
«Үндістанның Шанхай ынтымақтастық ұйымына мүше болуы оған өңір елдерімен, соның ішінде Қазақстанмен қарым-қатынасын нығайтуға мүмкіндік береді», деп атап өтті Үндістан Премьер-министрі.
Хабарда айтылғандай, Астанада Қазақстан мен Үндістан үкіметтері басшыларының кездесуі нәтижесінде екі мемлекет арасындағы сауда-экономикалық және инвестициялық ынтымақтастық бойынша жол картасына қол қойылды. Оның аясында 26 жобаны жүзеге асыру бойынша біріккен жұмыстар басталады.
Бұған дейін Үністанның Сыртқы істер министрлігі Еуразия департаментінің басшысы Шамбу Кумаран өз елінің қауіпсіздік саласында ШЫҰ елдерімен ынтымақтастығын кеңейтуге мүдделі екенін мәлімдеді.
