Қытайдың орталық телеарнасында ҚР Президенті туралы «Көшбасшы жолы» атты фильм көрсетілді

8 Шілде, 2015 09:23

2015 жылдың 6-шілдесінде Қазақстанның ҚХР-дегі елшілігінің бастамасымен Қытайдың CCTV-6 орталық телевизиялық арнасында прай-тайм уақытында ҚР Президенті Нұрсұлтан Назарбаев туралы «Көшбасшы жолы» - «Тығырықтан жол тапқан» атты фильм-эпопеясының үшінші бөлімі көрсетілді.

Фильм-эпопеяның үш бөлімін Қытай тіліне аудару мен дубляждау жұмыстарын «Қазақфильм» киностудиясымен бірлесе отырып, Қытайдың ең үздік 5 дыбыс режиссерінің бірі болып табылатын, әйгілі Цюй Вэйцзюннің жетекшілігімен «Қытайдың орталық киностудиясы» жүзеге асырды, деп хабарлайды ҚР Сыртқы істер министрлігі.

Фильмнің жастардың бойында ойлаған мақсатына жете білу, жауапкершілік пен патриоттық сезімді қалыптастыру сияқты ерекшеліктерін қытайлық көрермендерге жеткізу мақсатында басты рөльдердегі тұлғалардың сөздерін дыбыстау үшін Қытайдың Цзя Сяоцзюнь, Шан Хун сияқты өзге де танымал актерлары шақырылды. Фильмнің «Менің балалық шағымның аспаны» атты бірінші бөлімі қытайлық көрермендерге 2013 жылы Қазақстандық кино апталағы аясында көрсетілген болатын.

Жақын арада Қытай телевидениесінде фильм-эпопеяның барлық бөлімдері көрсетіледі.

Барлық жаңалықтар