• Басты
  • Батыр арулар жауынгерлік даярлық кезеңін аяқтады (Фото)

Батыр арулар жауынгерлік даярлық кезеңін аяқтады (Фото)

8 Шілде, 2015 09:38
«Батыр арулар» байқауы қатысушыларының дайындығы аяқталды. Оның барысында әйел әскери қызметшілер төзімділік курсын, лаңкестікке қарсы операцияны, жау бекіністерін шабуылдау, автоматтар мен тапаншалардан оқ ату, Калашников автоматын бөлшектеу және құрастыру курсынан өтті, деп хабарлады Қорғаныс министрлігі.

«Батыр арулар» іс жүзінде керемет дене сымбаттылығын көрсетіп қана қоймай, жауынгерлік әзірліктің барлық дағдыларын меңгергенін көрсетті. Танктің астында жату, кедергілер жолағын бұзып өту, жауынгерлік қарудан оқ ату  жауынгерлік даярлықты тексеру кезеңіне кірді.

Байқауға қатысушылар атыс қаруының үлгілерін инженерлік тұрғыда білу және атыс машығын, жауынгерлік жарақтандыруда кедергілер жолағын еңсеру кезіндегі шыдамдылықты, «Кобра» броньды машинасын басқару шеберлігін паш етті.  

Қыз-келіншектер үшін ең елеулі сынақ танктің астында жату болды. Бұл жаттығу әскери қызметшілердің психологиялық дайындығын тексерді. Алайда, «Батыр арулар» жеңімпаздары шамалы толқуға қарамастан, ҚР ҚК шын мәніндегі әскери қызметшілері ретінде бұл сынақты да бағындырды. Соңғы сынақтардың бірі суда жаттықтыру іс-қимылдарын қарқынды пысықтау болды.

 Әйел әскери қызметшілер толық жауынгерлік амуницияда жүзіп өтті және уақытқа белгілі бір қашықтықты бағындырды. Қатысушылардың тапсырмасы қару әскери қызметшілердің өзімен бірге болуымен күрделене түсті. Байқау финалистерін ресми марапаттауға дейін аз уақыт қалғанын еске сала кетейік. Әскери қызметшілер ұдайы жауынгерлік әзірлікте, оларға жүктелген тапсырмаларды әрқашан мүлтіксіз орындайтындарын дәлелдеді. Байқау жоспары бойынша әрбір жеңімпаз 2016 жылға арналған мамандандырылған күнтізбенің белгілі бір айының парақтарын әрлендіре түспек.

 

Барлық жаңалықтар