Милан мэрі Джулиана Пизапиа Астанада өткен жұмыс туралы әңгімеледі

7 Шілде, 2015 18:14

Милан қаласының (Италия) мэрі Джулиано Пизапиа «ЭКСПО-2017» көрмесінің болашақ нысандарымен танысу және Астана күніне арналған мерекелік шараларға қатысу үшін елордаға келген сапары барысында Астанада жасалған жұмыстар туралы Астанадағы Италия елшілігіндегі баспасөз мәслихатында әңгімелеп берді.

«Астанадағы кездесулер өте маңызды, себебі, ең алдымен, Милан ЭКСПО кілтін Астанаға табыстайды. Және Милан көрмесінің тақырыбы да өте маңызды - әлемдегі аштықпен күрес туралы. Астанадағы ЭКСПО-2017 көрмесі біздің көрменің логикалық жалғасы болады. Ол қаланы бүкіл әлемге таныту үшін қажет. Көрме кезінде Астана әлем орталығына айналады. Көрме өткізілген екі ай ішінде Миланға шамамен 5 млн адам келді, олардың жартысы - көрмеге бола келгендер», - деді Д.Пизапиа.

Сондай-ақ, Милан қаласының мәрі атап өткендей, Астанадағы Smart city қызметкерлерімен кездесу де жемісті болды.

«Әлемдік рейтингтер көрсетіп отырғандай, Милан әлемдегі үш smart қаланың бірі», - деді ол.

Сонымен қатар, Д.Пизапиа Назарбаев Университетінің ректорымен де кездесті.

Оған қоса, елдер арасында берік қарым-қатынасты орнату үшін Д.Пизапиа Астана мен Милан арасындағы әуе хабарламасын ашу мүмкіндігін қарастыруды ұсынды.

Еске салсақ, Астанада өткен іскери кездесу кезінде Милан мэрі Джулиана Пизапиа елорда әкімі А.Жақсыбековты мэрлер саммитіне қатысуға шақырды. Ол Миланда ағымдағы жылдың 15-16 қазанында өтеді.

Жалпы Астанаға келген сапарында Милан мэрі ЭКСПО-2017 алаңында болды, оған болашақ көрменің жобасын таныстырды. Италиядан келген қонақ ЭКСПО-2017 басты павильоны -«Қазақстанмен» және көрменің бетке ұстар нысандарының құрылысымен танысты.

Ботагөз Айтжанова

Барлық жаңалықтар