ҚР Мәжілісінде өткен дөңгелек үстел отырысында құрама жем өнеркәсібін қайта дамыту мәселесі талқыланды

Осы саладағы істерді тілге тиек ете отырып, ауыл шаруашылығының вице министрі Сапархан Омаров аталмыш мәселені шешу жолдарының бірі республиканың құрама жем кәсіпорындарының өндірістік әлеуетін барынша қолдану екенін айтты.

«Соңғы үш жылда оңды өзгерістер бар даму қарқынында. Өндірістің өсуі алдымен, ауыл шаруашылыға құрылымдарында мал басы мен құстардың артуына байланысты», - деп атап өтті ол.

2006 жылдан бастап құрама жем кәсіпорындарын қолдау мақсатында Министрлік құрама жем құнына ішінара субсидия беру бағдарламасын жүзеге асыруда. Жыл сайын мал шаруашылығы өнімдерін өндіру үшін жем құнын арзандатуға мал шаруашылығы мен құс шаруашылығы кәсіпорындарына бөлінетін бюджет қаржысының көлемі артуда.

Жемшөптік дақылдарды егумен айналысатын ауыл шаруашылық тауарын өндірушілер арзандатылған несие ресурстарын, жанар-жағар май материалдарын, минералды тыңайтқыштарды, шөпжойғыларды және басқа да материалды-техникалық ресурстарды пайдаланады, ауыл шаруашылық техникасының лизингі бойынша сыйақы жарнасының пайызын арзандату бағдарламасына қатысады. 

Сонымен қатар 2012 жылы ауыл шаруашылық министрі, облыс әкімдіктері, «ҚазАгро» ҰБХ» АҚ және «ҚазАгроИнновация» АҚ арасында ауыл шаруашылық дақылдарының егістік алаңының құрылымын әртараптандыру бойынша 2012-2016 жылдарға арналған меморандумға қол қойылғандығы айтылды.

Бұған қоса вице-министр аталмыш саланың алға басуын тежеп тұрған мәселелерге де тоқталды.   Дөңгелек үстелге парламентарий мен бірге «ҚазАгро» Ұлттық басқару холдингі» АҚ, «Атамекен» Ұлттық кәсіпкерлер палатасының өкілдері, ғылым мен агробизнес, үкіметтік емес сала  өкілдері қатысты.