• Басты
  • Қазақстан туралы «EXPO Family Film» фильмі Халықаралық медиа-байқаудың «алтынын» ұтып алды
7 Шілде, 2015 17:28

Қазақстан туралы «EXPO Family Film» фильмі Халықаралық медиа-байқаудың «алтынын» ұтып алды

«ЭКСПО-2017» көрмесі туралы фильм Германиядағы Дүниежүзілік бұқаралық ақпарат құралдары фестивалінде бірінші орынды алды. Фестивальге барлығы 38 ел және 40-қа жуық корпорация, агенттік, телевизиялық арна қатысты, деп хабарлады ұлттық компания.
Қазақстан туралы «EXPO Family Film»  фильмі Халықаралық медиа-байқаудың «алтынын» ұтып алды

«EXPO Family Film» (ЭКСПО-ның отбасылық фильмі) «Корпоративтік коммуникациялар: келушілерге арналған ақпарат» аталымында алтынды ұтып алды. Сонымен қатар, фильм өз аталымында үздік атанып, «Гранд» марапатына лайық деп танылды.

«Фильм өткен жылдың қарашасында Халықаралық көрмелер бюросы Бас ассамблеясындағы таныстырылым үшін түсірілген болатын. Фильмнің мақсаты – шетелде ЭКСПО-2017 көрмесін кеңінен таныту, Астанадағы көрмеге халықаралық қатысушыларды және туристерді тарту», - делінген хабарламада.

Гамбургте (Германия) өткен Халықаралық бұқаралық ақпарат құралдары фестивалі осы саладағы ең жетекші іс-шаралардың бірі болып табылады. Фестивальді медиа-маркетинг саласындағы жетекші компания «Intermedia» 2000 жылдан бері өткізіп келеді және ол бүкіл әлемдегі шығармашылыққа жаны жақын тұлғалардың басын біріктіруге арналған.

Байқауға ірі және шағын компаниялар қатыса алатынын атап өту қажет. Қазылар алқасының айтуы бойынша, «Астана ЭСКПО-2017» ҰК» АҚ-ның тікелей атсалысуымен түсірілген Қазақстан туралы фильм елді жалпы таныстыруды, 2017 жылы өтейін деп отырған көрмеге шақыруды көздеген өз мақсатын көрермендерге толығымен жеткізе алды.

 «Айрықша әсер қалдырып отыр. Табиғат, мәдениет, технология, күнделікті тұрмыс, барлығы керемет түсірілген. Басты кейіпкерлер өз бейнелерін шынайы сомдаған, оларға сенесің. Фильмдегі негізгі сәттердің өзіне ғана тән дара ырғағы бар және жан тебірентерлік сезімге бөлейді. Осы фильмді тамашалаған барлық көрерменде Қазақстанды көруге деген ынта пайда болады», - деген бағасын берді қазылар алқасы қазақстандық фильмге.

Фильмде Қазақстанның тауларын бағындырып жүрген альпинисші, Астана Опера жаңа театрында өнер көрсететін опералық әнші, елордада тұратын қала бизнесмені, Назарбаев Университетінің  профессоры, археолог және жобалаушы секілді түрлі кейіпкерлердің өмірлері баяндалған. Фильм авторлары тарихи, техникалық және кәсіби даму тұрғысынан қазіргі заманғы Қазақстанмен таныстырып, шетелдік қонақтарды елімізге шақырады.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды