Оралда 396 пәтерлі жаңа тұрғын үй пайдалануға берілді
8 Шілде, 2015 08:52
Батыс Қазақстан облысында Астана күніне орай бірқатар әлеуметтік маңызы зор нысандар пайдалануға берілді, деп хабарлайды өңірдің ішкі саясат басқармасы.
Айта кететін мәселе, Қаратөбе, Сырым аудандары мен Орал қаласының Зачаган қаласында салтанатты түрде дене шынықтыру-спорт кешендері ашылды. Олардың құрылысына республикалық бюджеттен 954,2 млн теңге бөлінді.
«Жәнібек ауданында 290 орындық «Алтын ұя» атты жаңа балабақша пайдалануға берілді. Жобаның құны 542,2 млн теңгені құрады»,-делінген хабарламада.
Бұған қоса, Оралда 396 пәтерлі тұрғын үй пайдалануға берілді. Аталған пәтерлерге балалар үйлерінің тәрбиеленушілері, соғыс ардагерлері мен оларға теңестірілгендер, бюджеттік сала қызметкерлері, мемлекеттік және әскери қызметкерлер ие болды.
