ЖҚЖК-2020 аясында 75 қарағандылық жаңа пәтер кілтін алды

7 Шілде, 2015 17:59

Қарағанды облысының әкімі Нұрмұхамбет Әбдібеков «Жұмыспен қамту жол картасы-2020» бағдарламасының 75 қатысушысына облыс орталығынан жаңа пәтер кілттерін табыстады, деп хабарлады облыс әкімдігінің баспасөз қызметінен.

«Бұл жағдай қазақстандықтардың өмір сапасын арттыруға бағытталған Мемлекет басшысы саясатының нақты жүзеге асуының көрінісі. Денсаулық сақтау, білім және әлеуметтік қамтумен қатар тұрғын үй құрылысына да ерекше көңіл бөлінуде», - деді Н.Әбдібеков.

Жаңа тұрғын үй «Астана» ықшам ауданында салынған. Пәтер алғандар қатарында жетім балалар, көп балалы және толық емес отбасылар, мүмкіндігі шектеуі жандар бар.

«Баспана дегеніміз - тек қабырғасы мен шатырынан тұратын үй ғана емес. Ол адамның бар өмірі өтетін үйі, оның балалары өсіп-өнетін жайлылық атмосферасы, және сіздер үшін осындай қуанышты жайттың тек мерекелік шаралармен ғана емес, нақты істермен, атап айтсақ тұрғын үй құрылысымен де аталып өтетін Астана күні қарсаңында орын алып отырғанынана қуаныштымыз», -деп атап өтті Н.Әбдібеков.

Барлық жаңалықтар