ШҚО-да жыл басынан бері 776 тонна сүт өндірілді

7 Шілде, 2015 15:54

Шығыс Қазақстанда жыл аяғына дейін облыста бар 19 сүт қабылдайтын пунктке қосымша тағы 34-ін қосу жоспарлануда, ал ет өнімдері мен былғары шикізатын араб елдеріне, Иранға, Қытайға, Ресей мен Израильге экспорттау жоспарда бар.

ШҚО ақпарат орталығында хабарлағандай, мал шаруашылығы көлемін көбейту және еңбек ресурстарын тиімді пайдалану үшін алаңы 184 мың га болатын 31 ірі өсімдік шаруашылығы іріктеліп алынды. Соның базасында сүтті және етті мал шаруашылығы дамитын болады. Шаруашылық активінде тиісті материалды-техникалық база бар.

Шетелдік инвестициялардың қатысуымен Семейде ет өңдейтін комбинат құрылысы бойынша 20 млн доллар тұратын қазақстандық-ирандық компанияның «АгроПортал» жоспарын іске асыру ойда бар. Ол комбинат кейіннен ет өнімдерін тереңінен өңдейтін болады.

«Біз ішкі тұтыну үшін өндірілетін өнімдерді көбейтіп қана қоймай, сыртқы нарыққа да белсенді түрде шығуымыз керек. Алға қойылған шаралар агроөнеркәсіптік кешенде ауыл шаруашылығы жалпы өнімі көлемінің жыл сайынғы өсімінің 12-13% көбейтіп қана қоймай, осы негізде өңірдің азық-түлік қауіпсіздігін қамтып, АӨК экспорттық әлеуетін арттырады», - деп атап өтті Даниал Ахметов облыстық мәслихат депутаттарының алдында есеп беру барысында.

Еске салсақ, облыс сүт өндірісі бойынша республикада үшінші орында. Жыл басынан бері өңірде 776 тонна сүт өндірілген, соның ішінде МТФ 55 мың тонна.