Маңғыстау облысында 5 айда БЖК аясында 10 жоба мақұлданды

7 Шілде, 2015 17:43

Маңғыстау облысында 2015 жылдың 5 айында «Бизнестің жол картасы» аясында 10 жоба мақұлданды, деп хабарлайды Маңғыстау облысының Экономика және бюджеттік жоспарлау басқармасы жетекшісінің міндетін атқарушы Светлана Нарешова.

«Маңғыстау облысының шағын және орта бизнес саласы қарқынды дамып келеді. Бұл саладағы көрсеткіштер даму үдерісінің бәсеңсімей отырғандығын көрсетіп отыр. Халық жеке бизнестерін ашу мен шағын несиелендіруге ынты-ықыластарының зор екендігін көрсетуде. Шағын және орта бизнес саласындағы субъектілер саны 46,5 мың дананы құрады, өсім өткен жылдың сәйкес кезеңімен салыстырғанда, 8,4 пайызды құрады»,-деді ол.

Оның сөзінше, шағын және орта бизнес саласында еңбектеніп жүрген азаматтар саны 8,8 пайызға, яғни 95,6 мың адамға артты. Ал осы кәсіпкерлік нысандары өндірген өнім көлемі 12 пайызға көбейді. «Шағын және орта бизнестегі экономикалық жағынан белсенді халықтың мөлшері 5,2 пайызға артты. «Бизнестің жол картасы - 2020» бағдарламасының аясында биылғы жылдың 5 айында құны 1,8 млрд теңге болатын 10 жоба мақұлданды. Қаңтар-мамыр аралығында тұрғындарға 208,4 млн теңге көлемінде 86 несие берілді. Өткен жылдың осы кезінде 261,2 млн теңгенің 70 шағын несиесі берілген»,-деді С.Нарешова.

Облыс әкімдігінің мәліметтерінше, мемлекет бюджетіне (Ұлтық қорды есептемегенде) 2015 жылдың қаңтар-мамыры аралығында 118,2 млрд теңге салықтар мен өзге де міндетті төлемдер түскен. Соның ішінде жергілікті бюджетке түскен түсімдер 10,5 пайыз, яғни 47,5 млрд теңге болды.

Барлық жаңалықтар