Ақмола облысында темірбетон бұйымдар шығаруға арналған зауыт ашылды

7 Шілде, 2015 12:43

Целиноград ауданының Қосшы ауылында индустрияландырудың екінші бесжылдығы аясында Қазақстандағы ең ірі кәсіпорындардың бірі , темірбетон бұйымдарын жасауға арналған зауыт іске қосылды, деп хабарлайды облыс әкімдігінің баспасөз қызметі.

Хабарламадан мәлім болғанындай, «Сапа су» зауыты ауқымында осындай темірбетон бұйымдарын өндіру, құбырларға бөлу, монолит құдықтар, технологиялық бетон сияқты өндірістерді іске қосу көзделіп отыр. Темірбетон өнімдері тұтынылатын басты салалар азаматтық және жол құрылысы мен инженерлік желілердің нарығы болып табылады.

Зауыттың салтанатты ашылу рәсімінде аймақ басшысы С.Кулагин аталған жобаның маңыздылығын ерекше атап өтті, сондай-ақ ол кәсіпорынның елордаға жақындығы да оңды іс болғандығын айтты.

Өндірістің жылдық жоспары 700 мың текше метр бетон болады, бұл өз кезегінде еліміздің солтүстік өңірлерін технологиялық бетонмен және сапалы темір бетон бұйымдарымен қамтамасыз етуге мүмкіндік береді. Кәсіпорында 80-ге жуық жұмыс орны ашылды.

Импортты алмастыру бағдарламасын жүзеге асыру аясында «Сапа су» зауытының маңында жоғарытехнологиялық кластер мен оған қажетті материалдар мен компоненттердің бүиіндей бір кластері қалыптастырылады.

Барлық жаңалықтар