Қостанай облысының лагерьлерінде маусым айында шамамен 5,5 мың бала демалады

7 Шілде, 2015 11:18

Қостанай облысында жаз мезгілінің басынан бері 14 қала сыртындағы лагерь жұмыс жасап жатыр. Маусым айында шамамен 5500 бала демалды, деп хабарлады өңір әкімдігінен.

Сонымен қатар, білім беру мекемелерінің жанында 322 мектеп жанындағы тамақпен қамтылған сауықтыру лагерьлері мен тамақсыз 417 алаң жұмыс жасап жатыр.

«Жазғы демалысты ұйымдастыруға 71 қосымша білім беру мекемесі жұмылдырылған, олардың жұмыс жоспарларында вокальдық студия, би үйірмесі, сән театры, сурет студиясы, ойын салоны, цирк өнерінің мектебі және тағы басқа үйірме жұмыстары қарастырылған», - делінген хабарда.

3 балалар үйі мен мектеп-интернаты тәрбиеленушілерінің (Қостанай облыстық балалар үйі, жетім балаларға және ата-анасының қамқорлығынсыз қалған балаларға арналған № 2 Қостанай түзеу мектеп-интернаты, жетім балаларға және ата-анасының қамқорлығынсыз қалған балаларға арналған №1 Рудный түзеу мектеп-интернаты) өзіндік демалыс базасы бар.

Өзіндік демалыс базасы жоқ интернат ұйымдары тәрбиеленушілерінің демалысы мен сауықтырылуын ұйымдастыруға 2015 жылы облыстық бюджеттен 85 млн теңге бөлінді. Соның арқасында 278 тәрбиеленуші Алтынсарин ауданы «Мерей» балалар сауықтыру лагері» ЖШС демалыс базасында жазғы каникулдарын өткізетін болады.

Барлық жаңалықтар