150 степногорлық Елорда күнін қайта жөнделген пәтерлерде қарсы алды (Фото)
7 Шілде, 2015 09:13
Елорда күні Степногорск қаласында күрделі жөндеуден кейін тұрғын үй пайдалануға берілді, деп хабарлады «Ақмола медиа орталығы».
Күрделі жөндеу 2011-2020 жылдарға арналған ТКШ жаңғырту бойынша жасалды. «Күрделі жөндеуге республикалық бюджеттен 90 млн теңге бөлінді. «Базис-СТ» ұйымы бұл істі сапалы және тиімді жүзеге асырды», - деді қала әкімінің баспасөз хатшысы Нана Антидзе.
Бірлескен жұмыстың қорытындысы бойынша 150 степногорлік Елорда күнін жаңа баспанада қарсы алды.
Қала әкімі Әнуар Күмпекеев тұрғындарды мемлекеттік мерекемен және үйдің тапсырылуымен құттықтады. Бұл игі іс облыс әкімі Сергей Кулагин мен мемлекеттің арқасында жүзеге асқанын айтып өтті.
ТКШ бойынша жаңғыртылған үйдің жөндеуі елде ұқсастығы жоқ екенін айтып өтті.
