Н.Назарбаев бірқатар шет мемлекеттердің Президенттерімен телефон арқылы сөйлесті
Нұрсұлтан Назарбаевты Тәжікстан Республикасының Президенті туған күнімен құттықтады.
Әңгіме барысында мемлекеттер басшылары екіжақты ынтымақтастықтың өзекті мәселелерін, сондай-ақ Қазақстан Президентінің Душанбе қаласына биылғы күзге болатын ресми сапарын талқылады.
«Украина Президенті Петр Порошенко Нұрсұлтан Назарбаевты туған күнімен құттықтап, денсаулық пен бақуаттылық, достас Қазақстан халқының игілігі үшін жаңа табыстар тіледі. Сондай-ақ Қазақстан мен Украина президенттері екіжақты ынтымақтастық мәселелерін талқылады»,-делнген хабарламада.
Телефонмен әңгімелесу кезінде Владимир Путин Нұрсұлтан Назарбаевты туған күнімен құттықтап, денсаулық, бақ-береке және жаңа жетістіктер тіледі.
М.Земан өз құттықтауында Қазақстан Президентімен соңғы жылдарда өткен кездесулер екі ел арасындағы достық қарым-қатынастарды және ынтымақтастықтың түрлі салаларында қалыптасқан берік байланыстарды айғақтайтынын айтқан.
Сондай-ақ Чехия Президенті алдағы оқиғалар екіжақты өзара ықпалдастықты дамыту мәселелерін талқылау үшін қосымша кездесулерге мүмкіндік тудыратынына сенім білдіреді. Соңында М.Земан Нұрсұлтан Назарбаевқа мықты денсаулық және жауапты қызметіне табыс тіледі.
