Шығыс Қазақстанда Астана күні атап өтілуде (ФОТО)

6 Шілде, 2015 18:43

Елорданың туған күнін шығысқазақстандықтар таң атқаннан бастап атап өтуде. Облыстың қалалары мен аудандарында концерттер мен мәдени-бұқаралық іс-шаралар, көрмелер, фестивальдар мен жәрмеңкелер өтуде.

ШҚО облысының Ақпарат орталығының хабарлауынша, Өскемендегі Астана көшесінде қаланың барлық шығармашылық ұжымдарының, Қоғамдық келісім орталығының достық үйінің өнерпаздарының қатысуымен «Астана – Еуразияның жүрегі» атты концерт өтті. Осы күні қала тұрғындарына арнап, түрлі байқаулар мен ойындар ұйымдастырылды. Тұрғындардың ду қол шапалақтары мен олардың байқауларға белсенді қатысуы, Президенттің туған күніне арналған құттықтаулар мен жылы лебіздер жергілікті халықтың көңілдеріне қуаныш ұялатты.

«Жастардың бақытты өмір сүрулері мен олардың өсіп-өнулеріне барынша жағдай жасалған Астанамыздың дамуы бүкіл елдің өсіп-өркендеуінің көрінісі. Сол үшін біз Президентімізге разымыз»,-деді қала тұрғыны Ардақ Жиембекова.

Айта кететін мәселе, 1-10 шілде аралығында қаланың барлық кітапханаларында «Арман қала – Астана!» атты тақырыптық көрмелер мен іс-шаралар ұйымдастырылуда.

Барлық жаңалықтар