Елордада «Астана - Park Land» қалалық саябақтар фестивалі өтіп жатыр
2015 жылдың атаулы оқиғалары - Қазақ хандығының 550 жылдығы, Жеңістің 70 жылдығы, Қазақстан халқы Ассамблеясының 20 жылдығы да фестивальдің безендірілуі мен тақырыптық бағдарламасында көрініс тапқан.
«Студенттік» саябағы: Этнопарк
Этнопаркте Ұлы Жібек жолы жәрмеңкесі дәстүрлері сақталып, шығыс базарының үлгісі қойылған. Тарихи саябаққа орнатылған инитерактивті экспозициясында реконструкциялық алаңдар «Қоянды жәрмеңкесінде» жүргендей сезім береді.
«Жерұйық» саябағы: Тарихи саябақ
Бұл саябақтың интерактивті экспозициясында реконструкциялық алаңдар ұсынылған. Көптеген интерактивті тақырыптық декорациялар мен музыкалық бағдарламалар қатысушыларға тарихи әлеміне жетелейді.
«Астаналық» саябағы: Дискосаябақ
Бұл саябақта диско дәуірінің көңілді атмосфера қалыптастырылған. Промоутерлер мен аниматорлардың костюмдері өткен ғасырдың 80–жылдардағы стилімен түйістірілген.
«Ғашықтар» саябағы: Арт-парк
Саябақ интерактивтік Арбатпен жаңғыртылған. Онда барлық келушілерге шығармашылық шеберлік-сыныптары өткізіледі.
Айта кетейік, мұнда фестиваль қонақтарына, балаларға арналған анимациялық бағдарламалар, балалар мен ересектерге 60- тан аса тегін шығармашылық шеберлік-сыныптары және музыкалық тақырыптық бағдарламалары ұйымдастырылмақ.
Анар Тәңірқұлова
