Қазақстандықтар Астананың 17 жылдығын тойлауда

6 Шілде, 2015 10:03

Бүгін, 6 шілде Қазақстанда мемлекеттік мереке-Астана күні, биыл ол 17 жасқа толып отыр.

1994 жылы Қазақстан Республикасы Парламенті отырысында Қазақстан Республикасының Президенті Нұрсұлтан Назарбаев Қазақстанның астанасын Алматыдан Ақмолаға көшіру туралы ұсыныс жасады.

1997 жылы 20 қазанда астананы ауыстыру туралы Жарлыққа қол қойды. 1998 жылы 6 мамырда Ақмола қаласының атауы Астана болып өзгерді. 1998 жылы маусымның 10-ында жаңа елорданың халықаралық тұсаукесер рәсімі өтті.

Бұл күн 2006 жылға дейін астананың туған күні ретінде атап өтіліп келді. 2006 жылдан бастап шілденің 6-сы елорда күні ретінде атап өтіледі.

Елорда күнін тойлау 4 шілдеде Н.Назарбаевтың қатысуымен мемлекеттік туды көтеру рәсімінен басталды.

Осы жылы Елорда күні 70-тен артық шара өткізілмек, оның барлығы халықаралық дәрежеде. САлтанат 500 мың адамды қамтымақ.