Қ.Сұлтанов: Елордамыз Астана – еліміздің жүрегі
5 Шілде, 2015 15:31
Елордамыз Астана – еліміздің жүрегі, еліміздің символы, деп мәлімдеді ҚР Парламенті Мәжілісінің депутаты Қуаныш Сұлтанов «Strategy2050.kz»АА берген эксклюзивті сұхбатында.
«Елордамыз Астана – еліміздің жүрегі, еліміздің символы. Астана – ол бір ұрпақтың көз алдында дүниеге келген, қалыптасқан қала. Жас ұрпақтың алдында өсіп, өркендеп келеді. Астана - ол Қазақстанның рухани байлығы, жаңа келбеті, қазақтардың жаңа әдемілігі. Мен барлық астаналықтарды, барша қазақстандықтарды Елорда күнімен құттықтаймын. Бұл Астананың бас сәулетшісі Нұрсұлтан Назарбаевтың үлкен жетістігі. Елордамыздың қайтадан жандануы қазақ ұлтының тектілігін білдіреді», - деді Қ. Сұлтанов.
Естеріңізге сала кетейік, жыл сайын 6 шілдеде Астана Елорда күнін атап өтеді. Елордалық мереке аясында қала билігі 70-тен астам мерекелік шара өткізуді жоспарлап отыр.
Ботагөз Айтжанова
