Н.Назарбаев пен Пан Ги Мун ҚР мен БҰҰ арасындағы екіжақты өзара іс-қимылдың ахуалы мен болашағын талқылады
4 Шілде, 2015 21:15
Мемлекет басшысы Нұрсұлтан Назарбаев БҰҰ Бас хатшысы Пан Ги Мунмен телефон арқылы сөйлесті, деп хабарлады Ақорданың баспасөз қызметі.
Телефон арқылы сөйлесуге БҰҰ Бас хатшысының кеңсесі бастамашылық етті
Тараптар Қазақстан мен Ұйым арасындағы екіжақты өзара іс-қимылдың ахуалы мен болашағын талқылады.
Мемлекет басшысы Ұйымның бейбітшілік пен қауіпсіздікті, орнықты дамуды және халықаралық қоғамдастық мүшелері арасындағы ынтымақтастықты қамтамасыз етудегі жетекші рөлін атап айтты, сондай-ақ еліміздің БҰҰ міндеттері мен мақсаттарына адал екеніне сендірді.
Өз кезегінде, Пан Ги Мун Қазақстанның халықаралық саясаттың күн тәртібіндегі өзекті мәселелерді қарастыру және шешуге қосып отырған үлесін жоғары бағалады.
