Елорда күні: Қалалық алаңда «Салем, Астана!» мерекелік шарасы өтті (ФОТОРЕПОРТАЖ)

4 Шілде, 2015 15:54

Қала басшылығымен Елорда күніне орай 70-астам мерекелік шара ұйымдастырылған. Солардың ішінде «Салем, Астана!» ең әдемісі болды, мерекелік шара қалалық алаңда өтті.

«Бұл жобаға өте талантты бүлдіршіндер қатысуда, және олардың басым бөлігі үшін бұл кәсіби қызметке жасаған алғашқы қадам. Олар Қазақстанның нағыз патриоттары», - деді «Салем, Астана!» жобасының авторы Сәулеш Қанапиева шара барысында.

Сахнада 500-ден астам жеткіншек өнер көрсетті. Мың бұралған бишілер мен күміс көмей әншілер мерекелік шараны одан ары қыздыра түсті.

Бұдан басқа, Астананың 17 жылдығына орай 17 күй орындалды. Қазақ халық аспаптарының біріккен оркестрінде жетіген, қылқобыз сияқты көне ұлттық аспаптардың нәзік үні шарықтап, келген көрерменнің құлағының құрышын қандырды.

Сонымен қатар, орталық алаңға жиналған жұртшылық талантты жас суретшілердің қиялынан туған дүниелерді тамашалай алды. 30 оқушы ойындағы Астана болашағын қағаз бетіне түсірді және алаңда ЮНЕСКО шығармашылық мектебі-клубының шығармашылық көрмесі де көпшілік назарына ұсынылды.

Ботагөз Айтжанова

Суретке түсірген Азамат Әлиев

Барлық жаңалықтар