Алматыда Универсиада 2017-нің спорт нысандарының құрылысы кестеге сай жүруде (ФОТО)

4 Шілде, 2015 14:27

Алматыда Универсиада нысандарын белгіленген мерзім-2016 жылдың аяғына дейін тапсыру үшін барлық шаралар жүзеге асатын болады. Бұл туралы бүгін Алматы әкімі Ахметжан Есімов 2017 жылы өтетін Универсиада нысандарының құрылыс барысына испекциялық тексеру жүргізгенде айтты, деп хабарлады әкімнің баспасөз қызметі.

Қала басшысы Алатау ауданындағы 5 мың орынды Атлеттер ауылының, 12 мың орынды Мұз аренасының және Медеу ауданындағы 3 мың орынды Мұз аренасының құрылыс алаңдарында болды.

Қазіргі кезде 12 мың орынды Мұз аренсының жер үсті жұмыстары және негізгі колонналар мен галереяның бетонды іргетасының құрылыс жұмыстары яақталған, металлконструкцияларды монтаждау жұмыстары жүріп жатыр.

3 мың орынды Мұз аренасының бетонды іргетасын орнату жұмысы толық аяқталған, монолитті темірбетондар мен металл констркуцияларын монтаждау жұмыстары 65%-ға орындалған.

2017 жылы өтетін Универсиаданың негізі нысаны –Атлеттер ауылының 8,9 және 14-ші қабаттарында 5000 орынды жатақхана болады, мұндағы құрылыс жұмыстары да кестеге сай жүруде. Іргетасқа қатысты құрылыс- монтаж жұмыстары аяқталып, жертөле қабырғалары қалануда, сыртқы инженерлік желілер бойынша кәріз және жылу құбырлары тартылуда.

Барлық жаңалықтар