Ірі инвестор Қазақстандағы геологиялық барлау жұмыстарын бастады – ИДМ

4 Шілде, 2015 14:03

Инвестициялар және даму министрi Әсет ИсекешевЕуразия-Африка өңіріндегі«Rio Tinto» компаниясының геологиялық-барлау операциялары жөніндегі директоры Кен Тейнтонмен кездесті.Кездесу барысында Кен Тейнтон Министрді «Қазгеология» АҚ-пен бірлесе іске асырылудағы Қарағанды облысы Қорғантас учаскесiнде геологиялық барлау жұмыстарының басталуы туралы хабардар етті, деп ведомстводан хабарлады.

«Rio Tinto Қорғантас жобасы шеңберінде геологиялық-барлау жұмыстарырының басталғандығы туралы хабарлауға қуанышты. Учаскеде дала базасы құрылды және бүгін аэрогеофизикалық деректерді жинау басталды. Rio Tinto министрліктің барлық тобына аталған жобаны іске асыруда көрсеткен қолдауы үшін алғыс білдіреді»-деп, атап өтті Кен Тейнтон.

Өз кезегінде, Әсет Исекешев ірі трансұлттық корпорацияларды тарту Елбасының алға қойған мақсаттарының бірі болып табылады. Rio Tintoмен ынтымақтастық инвестицияларды тарту, сондай-ақ технолагиялар трансферті және кадрларды оқыту тұрғысында стратегиялық болып табылатындығын атап өтті.

Бұдан басқа министр геология және жер қойнауын пайдалану саласындағы жүргізілетін реформалар туралы хабарлады және Rio Tinto сияқты компанияның өзінің ғаламдық жұмыс тәжірибесін пайдалана отырып, реформаларға қатысу маңыздылығын атап өтті. Әсіресе ҚР Тау-кен кодексі тұжырымдамасын әзірлеу кезінде австралиялық тәжірибені қолдануды назарға алды.

Тараптар аталған бағытта ынтымақтастық туралы келісті.

Айта кетерлік жайт, Rio Tinto британдық-австралиялық концерні - нарықтық капиталдандыру көлемі бойынша әлемдегі екінші тау-кен металлургия компаниясы. Компанияның нарықтық құны 100 млрд. АҚШ долларынан артық. Компания 40 елде жұмыс жасайды, қызметкерлер саны шамамен 60 000 адамды құрайды.

Барлық жаңалықтар