Қазақстан мен Сауд Арабиясының дипломаттары екіжақты ынтымақтастық мәселесін талқылады

4 Шілде, 2015 20:34

Сауд Арабиясының астанасы Эр-Рияд қаласында «Президент Н.Ә.Назарбаевтың қызметінің саяси феномені» атты тақырыпта «дөңгелек үстел» отырысы ұйымдастырылып, оған саяси шолушылар, ғалымдар, дипломаттар мен бұқаралық ақпарат құралдарының өкілдері қатысты, деп хабарлайды СІМ-нің баспасөз қызметі.

Сауд Арабиясындағы Қазақстанның елшісі Бақыт Батыршаев ҚР Президенті Нұрсұлтан Назарбаевтың басшылығындағы Қазақстанның саяси, әлеуметтік-экономикалық дамуындағы басты жетістіктер туралы айтып өтіп, Мемлекет басшысының елде жүргізіп жатқан салиқалы саясатының арқасында елдің дамып келе жатқандығын атап өтті.

«Дөңгелек үстел» отырысына қатысушылар Н.Назарбаевтың халықаралық аренадағы көрегенді саясатын, Елбасының Қазақстан мен Сауд Арабиясы арасындағы екіжжақты ынтымақтастықты дамыту жөніндегі үлесін атап өтті.

Хабарламадан мәлім болғанындай, іс-шара барысында Қазақстан мен оның Президентінің тәуелсіздік жылдарындағы экономикалық және әлеуметтік-мәдени даму бағытындағы жетістіктері туралы деректі фильм көрсетілді. Сонымен қатар фотокөрме ұйымдастырылды. Іс-шараның қорытындысы бойынша, Қазақстан мен оның Президенті Нұрсұлтан Назарбаев туралы кітаптар мен журналдар табыс етілді.

Барлық жаңалықтар