ИИДМБ: Павлодар облысында 1,2 трлн теңгенің 24 жобасы жүзеге асырылуда

Мемлекеттік индустрияландыру бағдарламасының бірінші бесжылдығында облыста 274 миллиард теңгеге 68 жоба ашылды, құрылған жұмыс орны 5,5 мыңнан асты.

60 аса жаңа өнімдерді шығара бастадық. Олар мұнай, химия, металлургия, теміржол машинажасау және өнеркәсіптің басқа салаларына қатысты.

Бүгінгі күні жобалардың негізгі бөлігі (53 жоба) өндірістік қуаттың жоспарлы көрсеткіштеріне жетті.

Бес жылда өнеркәсіптік өндірістің жалпы көлеміндегі осы жобалардың үлесі 11 пайызды құрап отыр. Сонымен қатар 7 жоба жалпы сомасы 500 миллиард теңгеге өнімді экспортқа шығарды.

Осының барлығы өңірдің инвестициялық белсенділігіне әсер етті (2010-2014 жылдар ішінде  - 1,3 трлн. теңге).

Жыл сайын инвестициялар көлемі орташа есеппен алғанда 20 - 25 пайызға артуда және өткен жылда 348 миллиард теңгеге жетті, бұл 2010 жылдың деңгейінен 2 есе артық.