Мемлекет басшысына Жаңғырту жөніндегі ұлттық комиссияның қызметі баяндалды
3 Шілде, 2015 14:13
Мемлекет басшысы Нұрсұлтан Назарбаев Жаңғырту бойынша Ұлттық комиссияның қызметі туралы алдын ала қорытындысы туралы кеңес өткізді, деп хабарлады Ақорданың баспасөз қызметі.
Кеңесте Бес институционалдық реформаны жүзеге асырудың негізгі бағыттары қаралды.
Елбасы тиісті заң жобаларын Парламенттің күзгі сессиясы басталғанға дейін енгізу үшін жан-жақты пысықтаудың маңыздылығын атап өтті.
Кеңес барысында жұмыс топтарының мүшелері Ұлттық комиссияның қазіргі қызметі туралы баяндама жасады.
Мемлекет басшысы кеңес қорытындысы бойынша бірқатар нақты тапсырма берді.
