«Қазақстан Барысы» бәсекесін әлемде 500 млн-нан астам адам тамашалайды

«Менің айтайын дегенім, соңғы 5 жылда біздің жобамыз өте танымал болды және тек біздің елімізде ғана емес. Осы жарысты көрсететін ұлттық телеарналардан бөлек біздің жобамыз Ресей, Түркия мемлекеттерінде де үлкен ықыласқа ие»,-деді А.Шораев.  

Оның сөзінше, «Қазақстан Барысы» турнирінің жалпы көлемі бүкіл әлем бойынша жарты миллиардтан асады.

«Қазіргі таңда бізді елдегі ең үлкен телеарналардың бірі «Қазақстан» және «KAZsport» телеарналары таратады. Рейтингтерге сүйене отырып, мен 5-7 сағат көлемінде бізді 5-6 млн адам тек Қазақстан бойынша ғана көреді дей аламын. Бұл айтарлықтай жақсы көрсеткіш. Бұған қоса әлемнің 37 мемлекетіне тарайтын «Боец» телеарнасы арқылы тағы 250 миллион адам тамашалайды деп ойламйын. Сондай-ақ Еуропа, Азия, Оңтүстік Африка мемлекеттеріне хабар тарататын түріктердің «TRT-Avas» арнасы бары. Осы арнаның арқасында біз тағы 80-ге жуық мемлекетке тараймыз. Нәтижесінде біздің әлем бойынша жарты миллиардқа жуық халық тамашалайды. Меніңше, шамамен бір 5 жылдан соң біз жапондықтардың сумо спорты сияқты танымал боламыз деген ойдамын»,-деді қамқорлық кеңесінің төрағасы.  

ҚР Президенті Н.Назарбаев сыйлығының «Қазақстан Барысы» республикалық турнирі 4-шілде күні Астанада «Сарыарқа» велотрегінде өтеді және онда жеңімпаз бен чемпиондық белбеу мен «Тайтұяқ» иегері анықталады.   

Естеріңізге сала кетейік, ірікте жарыстарының 3 кезеңі бойынша Қазақстан бойынша, 32 балуан жарыстың мәресіне жетті.  Сыйлық қоры 250 мың АҚШ доллары болады. Оның 150 мың долларын жеңімпаз алады. Күміс жүлдегерге – 30 мың, үшінші орынға - 10 мың беріледі. Тағы 35 мың бапкерлер мен спортшыларға арналады.  

Анар Тәңірқұлова