Бес елдің барлау топтары «Алтын үкі – 2015» сайысының ең күрделі белсенді фазасына көшті (Фото)
Бұл барлық жарыстың ең күрделі кезеңдерінің бірі. Оның шарықтау шегі әр жауынгердің жеке жауынгерлік даярлығы мен жалпы топтардың командалық жұмысын тексереді. Жауынгерлер 43 жерүсті, су және таулы кедергілерден тұратын барлаушы соқпағын өтуден сайысқа түсті.
Оны өту арнайы іс-шаралар (шартты қарсыластың артқы жағына бөлімшенің десанттауы, жауынгерлік тапсырмаларды орындау) кешенін қамтиды. Мұндағы ең күрделі элементтердің бірі 25 метрлік «қолмен асылып жүру», су кедергісі және миналық алаңнан өту болып табылады.
Белсенді фазада сайысқа қатысушыларға қойылған тапсырмалар алдыңғы тапсырмаларға қарағанда күрделірек болғанымен әр команда жақсы нәтиже көрсетті. Қазақстан, Қытай және Белоруссиядан жиналған топтар айрықша көзге түсті. Ертең 10 шақырымдық жүгірудің соңғы кезеңі өтеді. Қатысушыларды қайықтарда су кедергілерін бұзып өту, команда құрамында көліктік құралды сүйреу және алмаса отырып оқ ату күтіп тұр.
«Алты үкі – 2015» арнайы мақсаттағы барлау топтарының ауқымды халықаралық жарысы биылғы жылы сегізінші мәрте өтіп жатқанын еске сала кетейік. Оған Қазақстан, Ресей, Беларусь, Қытай және АҚШ Қарулы Күштерінің әскери қызметшілері қатысады. Біздің әскери қызметшілердің мол тәжірибесі бар және кез келген сәтте барлық кезеңдерді сенімді түрде еңсере отырып, жоғары жауынгерлік әзірлікті көрсетеді.
