Вашингтонда Астана күні аталып өтті

3 Шілде, 2015 10:43

Қазақстанның Елшілігі Вашингтонда Астана күнінің құрметіне қабылдау өтікізді, оған еліміздің 100-ден астам достары қоғамдық, сараптамалық, іскер ортаның өкілдері мен БАҚ қатысты, деп хабарлады ҚР СІМ баспасөз қызметі.

Шара аясында «Қазақ даласының үйлері: Бейбітшілік корпусы волонтерының мемуары» кітабы таныстырылды, ол «Amazon.com» онлайн дүкенінің бестселлеріне айналды және 2015 жылдың «Moritz Thomsen Peace Corps Experience» жүлдесін жеңіп алды.

Кітап авторы Джанет Гивенс Вермонт штатынан арнайы ҚВашингтонға келді, ол Қазақстанда 2000 жылдары ағылшын пәнінің мұғалімі болып жұмыс істеді. Джанет Гивенс қазақ халқының өзіндік ерекшелігі, қонақжайлылығы, ашықтығы мен достық қарым-қатынасынан алған әсерімен бөлісті.

Жиналған халық қазақтың руханиятынан ғана емес, мемлекеттің белсенді дамуы мен жас астанасы туралы білді. Сонымен қатар, «100 нақты қадам», «Нұрлы жол», «ЭКСПО-2017», «Қазақстан - 2050» бағдарламаларымен танысып, Астана туралы көркем фильмді тамашалады.

Барлық жаңалықтар