Н. Назарбаев: 2019 жылы біз ірі қалалар арасындағы жолға кететін уақытты 1/3 есеге қысқартатын боламыз

2 Шілде, 2015 19:10

2019 жылы біз ірі қалалар арасындағы жолға кететін уақытты 1/3 есеге қысқартып, елдің бірыңғай энергетикалық жүйесін қалыптастырмақпыз, деді Елбасы Нұрсұлтан Назарбаев Индустрияландыру күніне байланысты Астанада өткен телекөпірде.

«Алдағы 4 жылдың көлемінде «Нұрлы жол» бағдарламасы ІЖӨ-ді қосарлап алғанда 16 пайызға арттырады деп күтілуде. Нәтижесінде 2019 жылы біз ірі қалалар арасындағы жолға кететін уақытты 1/3 есеге кемітіп, елдің бірыңғай энергетикалық жүйесін қалыптастырмақшымыз. Ең бастысы бүкіл экономиканы бір нарыққа топтастыру»,-деді Елбасы.

«Көрдіңіздер ме біздің елімізге қалай сенеді, ХҚИ, Бүкіләлемдік, Еуропалық, Азиялық, Ислам банктері сенеді және Қазақстан үшін өте пайдалы, ұзақмерзімді 9 млрд долларға жуық несиелер береді. Сондықтан бұны бағалай білу керек және ол біз үшін де инвесторлар үшін де пайдалы болатындай ету керек»,-деді Президент.

Елбасы Қазақстанға елдің ішіндегі 7 мың км автожолдарды салып, жөндеу қажетттігін айтты. «Біз өзімізге ата-бабаларымыз мұра етіп қалдырған жердің барлық аймағына автомобиль, темір жолдарын жүргізудеміз, әуе қатынастарымен қамтамасыз етудеміз»,-деді Ұлт Көшбасшысы.

Индира Кауметова

Барлық жаңалықтар