Алматыда жаңа өрт сөндіру депосы ашылды
20 Қазан, 2013 09:16
Кеше, 19 қазанда Алматыда жаңа өрт сөндіру депосының салтанатты ашылуы өтті, деп хабарлайды ҚР ТЖМ баспасөз қызметі
«Жаңа депо заманауи шарттармен, архитектуралық-техникалық шешімдер мен дизайн бойынша салынған. Материалдық база барлық халықаралық стандарттарға жауап береді», - делінген хабарламада.
Депоның құрылысына республикалық бюджеттен 903,2 млн теңгеден астам қаражат бөлінген. Тек өрт сөндіру техникасының өзіне 340 млн теңгеден астам ақша жұмсалған. Осы қаражатқа 6 өрт сөндіру машинасы алынды.
Айта кету керек, тұрғын үй-тұрмыстық мәселелерді шешу мақсатында жоба тарапынан 800 шаршы метр болатын 7 пәтер мен 20 бөлмелік өрт сөндіру депосы салынды.
Жаңа депо 174 мың адамның өрт қауіпсіздігін қамтамасыз етпек.
