• Басты
  • Қ.Сұлтанов: Құқық қорғау органдары мен жоғары оқу орындары арасындағы диалог – кәсіби кадрлардың кепілі

Қ.Сұлтанов: Құқық қорғау органдары мен жоғары оқу орындары арасындағы диалог – кәсіби кадрлардың кепілі

2 Шілде, 2015 16:29
Жоғарыкәсіби кадрлық әлеуетті арттыру үшін Қазақстанда құқық қорғау органдары мен жоғары оқу орындарының арасындағы диалогты жалғастыру қажет, деді Парламент Мәжілісінің депутаты Қуаныш Сұлтанов Бас прокуратура жанындағы қоғамдық кеңестің отырысында.

«2013 жылы Мемлекет басшысы құқық қорғау органдарының кадрлық саясатының тұжырымдамасын бекітті, аталмыш құжаттың дайындаушысы Бас прокуратура болатын. Тұжырымдама кадрлық процестерді басқарудың инновациялық технологияларын, оған деген жаңа ғылымыи көзқарасты қажет етеді. Тұжырымдаманың іс-шаралары қызмет ету жүйесін жаңғыртуға, меритократия мен жариялылық принципін қамтамасыз етуге бағытталған. Кадрлар даярлығының мәселесіне көңіл бөле отырып, Мемлекет басшысы өзінің «Қазақстан-2050» Стратегиясында жаңа экономикалық саясаттың сәттілігі кадрлармен жетілдірілуі тиіс деген шешуші шарт туралы айтты»,-деді Қ.Сұлтанов.   

Оның сөзінше, жоғарыкәсіби кадрлық әлеуетті арттыру үшін Қазақстанда құқық қорғау органдары мен жоғары оқу орындарының арасындағы диалогты жалғастыру қажет.

«Кадрлармен қамтамасыз ету мәселесі негізінен жоғары білім беру жүйесіне жүктелген. Сонымен қатар жоғары дәрежелі кадрларды қалыптастыру үшін құқыққорғау органдары мен жоғары оқу орындары арасындағы диалогты жалғастыру қажет. Нәтижесінде жоғары оқу орындары құқық қорғау органдарының талап-тілектеріне толықтай жауап беретін кадрларды дайындап берулері керек. Яғни жоғары оқу орындары дайындаған кадрлар қызметтің бірінші күнінен бастап-ақ өз міндеттерін атқаруға әзір болулары керек»,-деді халық қалаулысы.    

Анар Тәңірқұлова  

 

 

 

 

 

Барлық жаңалықтар