ЮНИСЕФ өкілдері ШҚО денсаулық сақтау жүйесінің дамуын жоғары бағалады

3 Шілде, 2015 08:54

Шығыс Қазақстан облысында БҰҰ-ның Балалар қорының (ЮНИСЕФ) өкілдерімен кездесу өтіп, оның барысында өңірдегі, әсіресе жайсыз өмір сүріп жатқан балалар мен олардың отбасыларының өмірлерін жақсарту мақсатына өтіп жатқан «Мейірім» акциясының өткізілуі сөз болды, деп хабарлайды ШҚО Ақпарат орталығы.

Кездесу барысында облыс әкімінің орынбасары Жақсылық Омар балалардың денсаулықтарының мықты болып, өмірінің алаңсыз, қауіпсіз, бақытты болуы үшін әкімдік пен ЮНИСЕФ арасындағы байланыстардың мықты болғандығы маңызды екендігін атап өтті.

«Сіздердің ұйымдарыңыз балалардың құқықтарын қорғау бойынша әлемнің көптеген мемлекеттерімен ынтымақтаса қызмет етуде. Мен біздің ынтымақтастығымыздың арқасында жақсы нәтижелерге қол жеткізіп, балалардың өмір сапасын арттырамыз деген сенімдемін»,-деді Ж.Омар.

Ал, ЮНИСЕФ өкілі Юрий Оксамитный Шығыс Қазақстан облысында денсаулық сақтау жүйесінің жақсы дамығандығына назар аударып, соңғы 5 жылда ана мен бала өлімінің 2 есеге азаюы жақсы көрсеткіш деп бағалады.

БҰҰ Қазақстан Республикасындағы Балалар Фонды өкілдігінің өкілі Юрий Оксамитный, халықаралық ұйыммен бірлесе жұмыс жасауда ШҚО көрсеткіші жаман емес екенігін және облыстың денсаулық сақтау саласындағы жетістіктері көңілінен шыққандығын жеткізді.

2011-2015 жылдар аралығында ЮНИСЕФ ШҚО әкімдігімен бірлесе жұмыс жасап келген және ол келісім алдағы уақытта жалғасын таппақ