• Басты
  • Астанада Н.Назарбаев туралы «Бітімгер» кітабы жарыққа шықты
2 Шілде, 2015 13:46

Астанада Н.Назарбаев туралы «Бітімгер» кітабы жарыққа шықты

Қазақстан Президенті Н. Назарбаевтың халықаралық белсенділігі туралы «Бітімгер» кітабы жарыққа шықты
Астанада Н.Назарбаев туралы «Бітімгер» кітабы жарыққа шықты

Жақында жарыққа шыққан «Бітімгер» кітабы Қазақстан Республикасы Президенті Нұрсұлтан Назарбаевтың украиналық дағдарысты тек бейбіт жолмен реттеу жолдарының ізденісіне бағытталған белсенді қызметіне арналып, Майданнан Минскідегі «норманд төрттігі» елдері басшыларының ақпандық кездесуіне дейінгі оқиғалар туралы баяндайды.

«Елбасының украиналық мәселе бойынша табыстырушы қызметін Қазақстанның түрлі халықаралық бастамаларымен кешенді түрде зерттей отырып, кітап авторы Нұрсұлтан Назарбаев бейбітшілікті сақтау және халықаралық қауымдастықта өзара сенімді арттыру жаһандық идеясын алға бастырады деген қорытындыға келеді», - деді СІМ басшысы.  

«Осындай жауапты миссия тек нағыз еуразияшыл, қарсы тұрушылықтың емес, бәсекелестіктің жақтаушысы, әлемдік деңгейдегі дәйекті және сарабдал саясаткер  Нұрсұлтан Назарбаевтың ғана қолынан келеді», – деп кітаптың алғысөзінде жазылған.

Кітап авторы – танымал қазақстандық дипломат, Қазақстан Республикасы Президентінің көмекшісі Нұрлан Баймолдаұлы Онжанов – Украинаның оңтүстік-шығысындағы шиеленіс жөніндегі күрделі мәселе бойынша Елбасының шетелдік әріптестерімен өткізген көптеген келіссөздеріне өзі тікелей қатысқан болатын. Сол себепті, кітап фактілер мен деретерге бай және онда Нұрсұлтан Назарбаевтың Франция, Германия, Ресей, АҚШ, Италия, Швейцария, Беларусь және, сөзсіз, Украинаның өзінің басшыларымен әңгімелерінен үзінділер мол келтірілген.

«Кітап оқырман назарына адами қателіктерден зардап пен құрбандыққа қаншалықты оңай шалдығатыны және содан кейін бейбітшілік пен даму жолына қайта түсудің қаншалықты қиын болатыны туралы ой тастайды. Кітаптың дәл қазір басылып шығуының басты себебі осында. Ол тек украиналық дағдарысқа тиесілі тараптарды ғана бейбіт жолына шақырмай, бүкіл әлем қауымдастығын ашық диалог негізіндегі өзара сенімділікті арттыруға, өңірлік және жаһанды қауіпсіздік үшін берік негіз орнатуға шақырады. Бұл барлық елдер мен дүниежүзілік саясаткерлерінің жеріміздің болашақ ұрпағы алдындағы зор парызы», - деп сенімділігін білдірді автор.

Кітап тарихшылар, саясаттанушылар, студенттер мен саясат мәселелеріне қызығушылық білдіретін оқырмандарға арналған.   

Анар Тәңірқұлова

Барлық жаңалықтар