• Басты
  • Н.Назарбаевтың қазақстандық үлгісі бойынша ҚХА хатшылығына 70 мемлекеттің өкілі қайырылды

Н.Назарбаевтың қазақстандық үлгісі бойынша ҚХА хатшылығына 70 мемлекеттің өкілі қайырылды

2 Шілде, 2015 11:13
ҚХА хатшылығына Н.Назарбаевтың қазақстандық үлгісін үйрену туралы 70 мемлекеттің өкілдері қайырылды, деп хабарлады Қазақстан халқы Ассамблеясы хатшылығы төрағасының орынбасары Ералы Тоғжанов АӨСШК-нің ұлттық-мәдени орталықтарының «Н.Назарбаевтың қоғамдық келісім мен ұлттық бірлігінің қазақстандық үлгісі: АӨСШК кеңістігіндегі тәжірибе» атты халықаралық форумында.

«Тақыраптың таңдалуы өте өзекті және талқылауды қажет етпейді. 2015 жыл ҚХА үшін тарихи оқиға болды, бұл жыл Қазақстан халқы Ассамблеясы жылы болды. Бұл Қазақстанның өзі ішіндегі және сырттағы бейбітшілік пен келісімге негізделген өзгеріссіз саясатының айғағы. 2014 жылдың 5-мамырында Бейбітшілік пен келісім сарайында ҚХА мен АӨСШК арасындағы өзара түсіністік жөніндегі меморандумға салтанатты қол қою рәсімі өтті. Халықаралық ұйымның мемлекеттік органмен бірге құжатқа қол қоюы АӨСШК кеңістігінде алғаш рет болып тұр»,-деді Е.Тоғжанов.  

Оның сөзінше, биылғы жылдың сәуір айында Астанада ҚХА-ның «Мәңгілік ел: бір ел бір тағдыр» атты XXI сессиясының өтуі  халықтық Қазақстан үшін бейбітшіліктің төзімділгі мен келісім идеясы  «Мәңгілік ел» мәңгілік мемлекетін құру жолындағы басты құндылықтардың бірі екендігін сенімді түрде айғақтады.

«Біз көптеген елшіліктермен тығыз қарым-қатынаста жұмыс істейміз. Қазақстанның ЕҚЫҰ-на және АӨСШК төрағалығының қорытындысы бойынша, ҚХА хатшылығына Н.Назарбаевтың қазақстандық үлгісі жөнінде 70 мемлекеттің өкілі қайырылды. Олардың арасында 18 мемлекет қазір тәжірибе алмасу бойынша тығыз қарым-қатынаста. Қазақстан тәжірибе алмасуға дайын»,-деді Е.Тоғжанов.   

Ботагөз Айтжанова

Барлық жаңалықтар