Маңғыстау облысында жаңа спорт кешені ашылды (ФОТО)

«Түпқараған ауданының әлеуметтік инфрақұрылымы жыл өткен сайын жетіліп барады. Ақтау-Ақшүкір-Сайын магистральды су арнасының құрылысы аяқталды, аталған елді мекендерге ішкі сумен қамту жүйесі жүргізілді. Форт-Шевченко қаласында және Баутино ауылында ауыз сумен қамтамасыз ету желісі мен кәріз коммуникациялары жүргізілді. Биылғы жылы Қызылөзен ауылында 50 орындық балабақша, «Дарын» қосымша білім беру орталығының әкімшілік ғимараты мен  60 орындық жатақханасы пайдалануға берілді.  Сондай-ақ 120 орындық жатақханасы бар 550 орындық орта мектеп, Форт-Шевченко қаласындағы 140 орындық балабақша да жергілікті тұрғындардың игілігіне айналды. Астана күні мерекесінің қарсаңында біз жаңа, заманға сай спорттық кешеннің ашылу салтанатын жасамақпыз. Ол әрине, Таушық ауданының тұрғындарының денсаулықтарын нығайтып, жастардың спорт пен дене шынықтыруға деген ықыластарын арттыратыны сөзсіз»,-деді облыс әкімі Алик Айдарбаев.     

Сонымен қатар облыс әкімі Форт-Шевченко қаласында 30 орындық балалар ауруханасы, орталық аурухана, спорттық кешен, әрқайсысы 100 орындық «Айгүл» мен «Жауқазын» балабақшалары пайдалануға беріліп, аудан орталығын газдандыру жұмыстарының жүргізілгендігін атап өтті.