ШҚО мен Польша кәсіпкерлері өндіріс пен ауыл шаруашылығы саласында серіктестік орнатуға мүдделі

2 Шілде, 2015 11:43

Шығыс Қазақстан облысына Польша Республикасындағы Қазақстанның Төтенше және Өкілетті елшісі Ерік Өтембаев бастаған екі күндік бағдарламасы бар Польшаның бизнес делегациясы келді, деп хабарлады Ақпараттық орталық.

Аймақ басшысы Даниал Ахметовпен кездесу барысында серіктестік орнату және бірлескен жобаларды жүзеге асыру мәселелері талқыланды.

Делегация құрамында тау-шахта машинақұрылысы, автомобиль және инфрақұрылым кластері, энергоресурстарын өндірумен айналысатын, құрылыс және агроөндіріс салаларындағы кәсіпорынардың өкілдері мен басшылары болды.

«Біз Польшаның белсенді дамып жатқанын білеміз. Шығыс Қазақстан экономикасының ерекшелігін есекере отырып біз өндіріс және ауыл шаруашылығы салаларына қызығушылық танытып отырмыз. Ынтымақтастығымыз нәтижелі болуы үшін бірлескен кәсіпорын құруды ұсынамыз», - деді Даниал Ахметов.

Өз кезегінде Ерік Өтемов пен Польша Республикасы Парламенті Сеймасының депутаты, Польша-Қазақстан парламенттік тобының мүшесі Томаш Маковский тау-кен және ауыл шаруашылығы техникасын жеткізу туралы нақты қадамдар ұсынды.

Айта кетерлік жайт, Қазақстан мен Польшаның тауар айналымы 2014 жылы 7337,5 мың доллардан асып жығылды.