Астанада Джузеппе Вердидің «Аида» операсына ҚР Президенті қатысты (ФОТО)
1 Шілде, 2015 22:18
Елордада Джузеппе Вердидің әйгілі «Аида» операсы Астана күніне орай жаңа форматта –декорациялар мен шоу элементтерін, сондай-ақ отшашуды қолдану арқылы ашық кеңістікте қойылды. Ашық аспан астында өткен шараға Елбасы Н.Назарбаев қатысты.
«Мен көрермен жақындаған тұста Мысыр атмосфересына бірден еніп кеткенін қаладым. Сондықтанда бізде құм, мүсіндер, түйелер, тіпті боталарда болды. Халық жақындап суретке түсуде. Бұл үлкен қойылым, олар 40 минут бойы оны тамашалап, сол кезеңге енеді», – деді Ресейдің халық әртісі Юрий Александров шара барысында.
Айта кетерлік жайт, бұл жоба үшін Болгариядан тенор К.Чанев арнайы шақырылды. Сонымен қатар қойылымға «Астана Опера» театрының орындаушылары – жетекші солист Ж.Ғабдуллина, Қазақстанның еңбек сіңірген қайраткерлері Д.Хамзина, Т.Мұсабаев, Арменияның халық әртісі Б.Туманян қатысты. Жалпы, спектакльге 300-ге жуық адам атсалысты.
Ботагөз Айтжанова
