Маңғыстау облысында газ бағасы 27 теңгеден аспайды
2 Шілде, 2015 08:53
Маңғыстау облысында «ҚазГӨЗ» ЖШС басшылары және газды бөлшектеп саудалайтың аймақтың кәсіпкерлері газ бағасын тұрақтандыру бойынша келісімге отырды, деп хабарлады облыс әкімдігінің баспасөз қызметі.
«Маңғыстау облысының әкімі Алик Айдарбаевтың төрағалығымен өткен отырыста «ҚазМұнайГаз»АҚ мен «ҚазГӨЗ» ЖШС басшыларына облыстағы газды жеткіздіруге байланысты жағдайды тұрақтандыру тапсырылды. Осы ретте газды жеткізушілер газ бағасын тұрақтандыру туралы келісімге отырды: Ақтауда – 27 теңге, Жаңаөзенде – 25 теңгеден аспауы керек. Біз Ақтау қаласы бойынша мониторинг жүргіздік, мұнда газ 27 теңгеден саудалануда», – деді Маңғыстау облысы кәсіпкерлікті басқару мен сауда басқармасының басшысы Бекқали Жұбанов.
