А.Мамытбеков: ДСҰ-ға кіру қарсаңында фермерлерді субсидиялауға ешқандай кедергі туындамайды

«Келіссөздер қорытындысы бойынша ауыл шаруашылығы жалпы өнімінің 8,5% деңгейінде «сары себет» тікелей субсидия түрінде  ауыл шаруашылығын мемлекеттік қолдаудың шараларын қолдануға қол жеткізілді», - деді А.Мамытбеков.

 Ресей Федерациясы, Украина, Қырғызстан, Молдова, Хорватия, Грузия келіссөздер қорытындысы бойынша тек 5% «сары себет» мемлекеттік қолдау көрсету құқығына иеленді.

«ДСҰ ережесіне сай бұл 8,5% екі рет көрсетілуі мүмкін:Ауыл шаруашылығы жалпы өнімінің құнынан 8,5% тең сомалы өнімге қоспағанда (мысалға: пайыздық үстем ақыны арзандату, суға, ЖЖМ субсидиялар);  Осы өнімнің жалпы құнынан 8,5% тең сомалы нақты өнімді қосқанда (сүт, ет, бидай жалпы өнімінен 8,5%).Ақшалай эквивалентте бұл шамамен 2,1 млрд. АҚШ долларын құрамақ, оның ішінде 1,2 млрд. АҚШ доллары есебісіз және 0,9 млрд. АҚШ доллары нақты өнім есебімен», - деді АШМ басшысы.

Бұған қоса, «жасыл себет» шеңберінде мемлекеттік қолдау көлемдерін еш шектеулерсіз көрсетуге болады. Атап айтқанда: ғылым, консалтинг, ветеринария, фитосанитария, инфрақұрылымдық жобалар, әлеуметтік қамсыздандыру және өнім құнына әсер етпейтін шаралар қысқартылмайды.

«Сондай-ақ, СФС шаралары аясында қол жеткізілген келісімдер жайлы айтылды. Атап айтқанда, ЕЭО талаптары болмаған жағдайда халықаралық ұйымдардың ұсыныстарын, стандарттарды қолдану. Субсидиялар ауыл шаруашылығы жалпы өнімінің құнына тікелей пропорционалды болғандықтан Қазақстан үшін 8,5% саланың дамуы үшін қажетті көлемде ауыл шаруашылығын мемлекеттік қолдау көрсетуде нақты мүмкіндік. Өткен жылдар көрсеткендей, ауыл шаруашылығының жалпы өнімі әр 5 жыл сайын 2 есеге ұлғаюда. Сәйкесінше, мемлекеттік қолдаудың шектеулі мүмкін көлемдері осындай қарқынмен ұлғайтылады. Біздің міндетіміз қажетті көлемде толыққанды мемлекеттік қолдауды қамтамасыз ету, өндіріс тиімділігін жоғарлату мақсатында оларды тиімді пайдалану», - деді ол.

Индира Қауметова