• Басты
  • Г.Әбдіқалықова: 2014 жылы әйелдер шағын және орта бизнесте 795 жұмыс орнын қамтамасыз етті

Г.Әбдіқалықова: 2014 жылы әйелдер шағын және орта бизнесте 795 жұмыс орнын қамтамасыз етті

1 Шілде, 2015 16:47
2014 жылы әйелдер шағын және орта бизнесте 795 жұмыс орнын қамтамасыз етті. Бұл шағын және орта бизнес саласындағы жұмыс орындарының 30 пайызы, деді ҚР Мемлекеттік хатшысы Гүлшара Әбдіқалықова, «Атамекен» ұлттық кәсіпкерлер палатасының Іскер әйелдер кеңесінің 1-ші Конгресінде.

«2014 жылы әйелдер шағын және орта бизнесте 795 жұмыс орнын қамтамасыз етті. Бұл шағын және орта бизнес саласындағы жұмыс орындарының 30 пайызы. Бұл сандар әйел азаматттардың отандық экономиканы дамытудағы шешуші драйверіне айналғандығын көрсетеді. Осыған байланысты, біздің сіздермен бірге басты мақсатымыз - әйел азаматтардың жасампаз әлеуеттерін Мемлекет басшысының 5 институционалды реформа – 100 қадам, «Нұрлы жол» жаңа экономикалық саясаты сияқты бастамаларын жүзеге асыруға белсенді қатыстыру болады»,-деді Мемлекеттік хатшы.   

Оның сөзінше, Қазақстанның ДСҰ-ға енуі мен ЕАЭО аясындағы экономикалық ықпалдастық мәселелері еліміздің бизнес-қауымдастығында туындаған жаңа қауіптер мен қатерлерге байланысты.

«Бүгінгі таңда, мемлекет пен бизнес-қауымдастықтың әлеуетін біріктіріп, тиімді өндіріс пен әйелдер кәсіпкерлігі саласындағы өзекті мәселелерді шешуге деген жүйелі көзқарас қажет. Осы ретте бізде жақсы ресурстар бар, мамандандырылған ҮЕМ, ҚР Кәсіпкер әйелдер одағы, Әйел энергетиктер клубы сияқты ұйымдар өздерін жақсы қырынан көрсетті. Қазіргі таңда «Атамекен» ҰКП құрамына көптеген салалық қауымдастықтар кіреді, онда да әйелдер белсенді қызмет етуде»,-деді Г.Әбдіқалықова.     

Ботагөз Айтжанова

 

 

 

 

Барлық жаңалықтар