• Басты
  • «Бәйтерек» холдингі «Нұрлы жол» аясында Қазақстанның 5 қаласында пәтерлер берді
1 Шілде, 2015 13:49

«Бәйтерек» холдингі «Нұрлы жол» аясында Қазақстанның 5 қаласында пәтерлер берді

«Бәйтерек» холдингі «Нұрлы жол» бағдарламасының аясында Астана, Қостанай, Алматы, Ақтөбе, Павлодар қалаларында «Қолжетімді баспана - 2020» бағдарламасы бойынша пәтерлерді таратты, деп хабарлады «Бәтерек» ұлттық басқарушы холдингі» акционерлік қоғамының басқарушы директоры Сержан Мәдиев тұрғындарға пәтерлерді тарату жұмыстары барысында.
«Бәйтерек» холдингі «Нұрлы жол» аясында Қазақстанның 5 қаласында пәтерлер берді

«Аталған бағдарлама биылғы жылдың наурыз айында басталды, 3,5 айдың ішінде біз еліміздің тұрғындарына 3 мыңға жуық пәтер бердік. Ал 3 мың пәтер дегеніңіз не? Егер әр отбасында 1-3 жан бар деп есептесек, 10 мыңға жуық адам жаңа пәтерлерге орналасуда. Жыл соңына дейін біз тағы 4 мың пәтер беруді жоспарлап отырмыз, ал бағдарламаға бүтіндей қарайтын болсақ, 2020 жылға дейін «Бәйтерек» холдингінің алдында 29 мың отбасына пәтер беру міндеті тұр. Бүгінде сіздермен бірге пәтерлерді Қостанай, Ақтөбе, Алматы және Павлодар қалаларының тұрғындары да алып жатыр»,-деді С.Мәдиев.  

Оның сөзінше, пәтер алу мүмкіндігі «Нұрлы жол» бағдарламасының арқасында мүмкін болып отыр.  

«Бұл расында да пәтер бердің теңдессіз жүйесі, алғашқы жарна жоқ, жоғары пайыздық ставкалар жоқ. Біз сіздердің ай сайын төлейтін сомаларыңыз мүмкіндігінше төмен болуы үшін жалға алу мерзімін барынша ұзақ еттік. Бұған қоса, «Бәйтерек» холдингі мен қазақстандық несиелік компания таратылып жатқан пәтерлерді өзінің бағасына салып жатқан жоқ, яғни бұл жерде қандай да бір пайда табу туралы әңгіме болуы мүмкін емес. Тұрғын үй құрылысшылардан кейін тікелей пәтер иелеріне жол тартуда»,-дед атқарушы директор.  

Оның сөзінше, жаңа бағдарлама «сатып алу үшін жалға алу» құралының іске қосылуына демеу болуы қажет. «Аталған бағдарламаның жаңа қырлары сапалы құрылысшыларды тартуға мүмкіндік тудырып отыр. Біз аталған бағдарлама бойынша шарттарды өзгерттік, яғни біз тұрғын үй сапалы болуы үшін сапалы құрылысшыларды тартудамыз. Тұрғын үй кешені абаттандырылып, жөндеуден өткен, сіздерге тек кіріп алып тұра беру қажет»,-деді С.Мәдиев.  

Ботагөз Айтжанова

 

 

 

 

 

 

Барлық жаңалықтар