ШҚО-да ағымдағы жылдың 5 айында тұрғын үйді пайдалануға беру 11%-ға артты - әкім

Облыс әкімі Шығыс Қазақстанның 2015 жылдың басынан бастап әлеуметтік-экономикалық дамуы мен мемлекеттік бағдарламалардың жүзеге асырылу барысы туралы хабарлады. Ол атап өткендей, 5 айдың ішіне ӘЭД жақсы көрсеткіштерге қол жеткізді, ауыл шаруашылығы көлемі 3%-ға, инвестиция  1,5 есе, тұрғын үйді пайдалануға бері 11%-ға, орташа айлық жалақы 8%-ға өсті.

«Жалпы әлеуметтік маңызды көрсеткіштер тұрақталған және жергілікті бюджетке түсім 11%-ға артты», - деді Д. Ахметов.

Ақпараттық орталықтан хабарлағандай, Даниал Ахметов бүгінде жұмыстар жүргізіліп жатқан  ұзақмерзімді және қысқамерзімді басымдылықтарды атап көрсетті. Оларға 1038 адамды жұмыспен қамтуға мүмкіндік беретін 13,6 млрд теңгеге 13 өндрістік жобаны іске асыру, машинақұрылысы саласын дамыту кіреді.

Әкімнің айтуынша балық және орман шаруашылығы бір жүйеге келтіруді және автоматтандырылуды қажет етеді. Бұл мақсатта нақты жоспарлар түзілуде.

Сонымен қатар, аймақта шет мемлекеттен инвестиция тартуға үлкен көңіл бөлінуде.