№12 тақырып. «Отан Қорғаушылар» монументі

1 Шілде, 2015 16:00

Бұл монумент – қазақстандық сәулетшілер мен мүсіншілер жасаған баға жетпес айбынды туынды. Оның ортасына Қазақстанда тұратын барлық ұлттар бірлігінің символы іспеттес 101 масақтан тұратын стела қойылған. Оң жақтағы барельефте Ұлы Отан соғысында қаза болған қазақстандық жауынгерлер, сол жағында жоңғарларды талқандаған қазақ батырлары бейнеленген. Монументтегі алтын тостақан ұстаған әйел бейнесі бейбітшілік пен өркендеудің негізгі символы болып табылады. Монумент айналасы тұрғындардың сүйікті демалыс орны болатын саябаққа айналған. Алматыдан әкелінген 28 панфиловшылар мемориалында жанып тұрған алаудың бөлшегі болып табылатын монументтің етегіндегі Мәңгілік алау жанып тұр. Монумент 2001 жылы 9 мамырда ашылды.

24 метрлік «Отан Қорғаушылар» монументі 63 тонна қоладан құйылған. Биіктігі 40 см болатын үлгіге қанша қола керек?

Тапсырманың дұрыс жауабы

Түпнұсқа мен оның көшірмесі бір-біріне ұқсас пішіндер, алар бір материалдан жасалған. Массаларының қатынасы олардың көлемдерінің қатынасына тең, яғни олардың сызықтық өлшемдерінің кубтарының қатынасына тең. Көшірменің биіктігі монументтің биіктігінен 60 есе кіші, демек, оны әзірлеуге жұмсалатын қола 60 ³ кем болды. 63 000/216 000 ≈0,3(кг) Көшірмені жасау үшін үш жүз граммдай қола қажет.

Барлық жаңалықтар