Ақмола облысының археологтары теңдессіз артефактілерді тапты (ФОТО)
1 Шілде, 2015 20:42
Ақмола облысының Зеренді ауданына қарасты Кенткөл ауылының маңында теңдессіз тарихи жәдігерлер – әшекейлер табылды, деп хабарлайды облыстық ішкі саясат басқармасына қарасты «Ақмола Медиа Орталығы».
«Бұл өте бір ерекше жағдай болды. Біз сүйектен жасалған әшекейлерді таптық. Бұл теңдессіз дүниелер, шамамен олар адам сүйгінің бөліктерінен жасалған. Әшекейде геометриялық және зооморфологиялық пішіндер бар»,-деді Ақмола облысының мәдениет басқармасы жанындағы Тарихи-мәдени мұраларды қорғау мен қолдану орталығының инспекторы Рауан Ержанов.
Табылған әшекейлердің барлығы біздің заманымызға дейінгі XIII-XV ғасырларға, андронов мәдениетіне, қола дәуіріне жатады.
«Мұнда 100-150-ге жуық мүрделер бар. Біз олардың тек 6-уын аштық. Біз әлі көп жаңалықтар ашамыз деген ойдамын»,-деді Р.Ержанов.
