«Алматы-2-Защита» пойызы күн сайын қатынайтын болады – ҚТЖ
1 Шілде, 2015 19:48
«Жолаушылар тасымалы» АҚ 30 маусымда «Тұлпар-Тальго» жаңа вагондарынан құрастырылған «Алматы-2-Защита» пойызының екінші құрамы жөнелтілгендігін хабарлайды.
Яғни жыл сайын жолаушылар паркінің жаңартылуы арқасында бүгінгі күнге дейін 386 «Тұлпар-Тальго» вагоны сатып алынды, ал осы жылдың соңына дейін қосымша 107 вагон сатып алынбақ. Сонымен қатар 2016-2020 жылдар аралығында тағы 603 кең шанақты жаңа вагон сатып алу жоспарланып отыр.
Сондай-ақ сұранысқа байланысты «Алматы-2-Защита» пойызы күн сайын (күн ара қатынау орнына) қатынайтын болады.
